வயது ஏறுவதை .........................

வயது ஏறுவதை உணர்ந்தேன்
ஆண்டவன் சன்னிதியில் அதை கொடு இதை கொடு
என்று கேட்ட நாட்கள் போய்
அவனுக்கு தெரியாதா நமக்கு என்ன கொடுப்பது
என்ற எண்ணம் வந்த போது
வயது ஏறுவதை உணர்ந்தேன்

டீன் ஏஜ் பெண்களின் எதற்கெடுத்தாலும்
க்ளுக் க்ளுக் கைப் பார்த்து, என்ன லூசுத்தனம்
என்ற எண்ணம் வந்த போது
வயது ஏறுவதை உணர்ந்தேன்

சாம்பார் படம் என்று சானல் மாற்றிய காலம் போய்
ஆஹா ஜெமினி படம் நல்லாருக்கே என்று
பார்க்க உட்கார்ந்த போது
வயது ஏறுவதை உணர்ந்தேன்

ரஜினி ஸ்டைலில் மாடி ஏறிய பின்
பத்து நிமிட ஓய்வு தேவை பட்ட போது
வயது ஏறுவதை உணர்ந்தேன்

60 கி.மீ ஸ்பீடில் பைக்கில் போக ஆசைப்பட்டது போய்
40கி.மீ க்கே என்னதுக்கு இவ்வளவு வேகம்
என்று கேட்கும் போது
வயது ஏறுவதை உணர்ந்தேன்

கண்ணாடியில் பார்க்கும் போது தெரியும்
நரை முடியும்
தோளுக்கு மேல் வளர்ந்து நிற்கும்
இரு குழந்தைகளும்
அது உண்மை என்று உறுதி படுத்தின

அம்மா வீட்டுக்கு சென்ற போது
வயதான காலத்திலும்
உனக்கு பிடிக்கும்னு
கேசரி பண்ணினேன் என்று
ஆசையாக அம்மா கொடுத்த போது
மீண்டும் குழந்தையானேன்.

விண்ணைத்தாண்டி வருவாயா............

அப்பா.. பசங்களுக்கு பரிட்சை முடிஞ்சாச்சு. அடுத்து, எவ்வளவு விஷயம் இருந்தாலும், போர் அடிக்கறது என்ன பண்றது புலம்பல் ஆரம்பிச்சாச்சு. சரின்னு என் வாழ்க்கையில் முதல் முறையா (கடைசியும் இதுதான்) சிம்பு படம் போனோம். கெளதம் படம் கொஞ்சம் பரவல்லாம இருக்கும்னுட்டு. படத்துல அடிக்கடி சிம்பு சொல்ற டயலாக், “உலகத்துல இவ்வளவு பெண்கள் இருக்கறச்ச நான் ஏன் ஜெஸ்ஸிய (த்ரிஷா) லவ் பண்றேன்”. வெளில வந்து நான் சொன்னது , “ உலகத்துல இவ்வளவு படம் இருக்கறச்ச நான் ஏன் இத வந்து பார்த்தேன்.” பேசறாங்க,பேசறாங்க, படம் முழுக்க பேசிண்டே இருக்காங்க. வீட்டுக்கு வந்தப்புரம் கூட சிம்பு என் கிட்ட பேசற மாதிரி இருக்கு. கதைல ஆழமே இல்ல. த்ரிஷா பொம்மையாகவே வருகிறார். எப்பம்மா நடிக்க போர? பல்லைக் கடித்து கொண்டு பேசும் சிம்பு, அதிகமான ஆங்கில வசனங்கள்(கெளதமின் பழைய படங்களை ஞாபகப் படுத்துகிறது)
த்ரிஷா பின்னாலேயே அலையும் சிம்பு, “நான் உன்னை லவ் பண்றேன், இல்ல இல்ல இது சரி பட்டு வராது எவ்வரிதிங் இஸ் ஒவர், இல்ல இல்ல இல்ல நாம கல்யாணம் பண்ணிக்கலாம்” - இப்படி மாத்தி மாத்தி பேசி சிம்புவ மட்டும் இல்ல நம்மளையும் சாவடிக்கிறார் த்ரிஷா. விண்ணைத்தாண்டி வந்த தலைவலி.